09.06.2021

ДЕМИРИ: Благодарницата од ОРМ е признание за нашата посветена соработка со работодавачите

Директорот на Агенцијата за вработување на Република Северна Македонија Абдуш Демири денес присуствуваше на свеченото собрание на Организацијата на работодавачи и дебатата на тема „Македонската економија пред и по пандемијата“.

На настанот на кој учествуваа Претседателот на Владата на Република Северна Македонија Зоран Заев, Министерка за труд и социјална политика Јагода Шахпаска и Директорот на Канцеларијата на МОТ за Централна и Источна Европа Маркус Милгрим, Организацијата на работодавачи и додели на АВРСМ Благодарница за соработка.

-Оваа благодарница е од големо значење за Агенцијата за вработување и претставува призанание за нашата посветеност во соработката со работодавачите кои се еден од главните приоритети во работењето на агенцијата. Целта на АВРСМ е да биде клучниот медијатор за поврзување на понудата и побарувачката на работната сила, а со тоа да влијае на унапредувањето на функционирањето на пазарот на трудот во земјата. –истакна директорот на АВРСМ Абдуш Демири.